Наманганда 23 ёшли йигит сойда чўкиб кетди
У чўмилиш учун сойга тушган ва сув юзасига қайтиб чиқмаган
Наманган вилоятининг Поп туманида 23 ёшли йигит сувга чўкиб кетди. Бу ҳақда Ҳаёт Шамшутдинов малум қилди.
Маълум қилинишича, жорий йилнинг 28 май куни йигит қариндошлари билан биргаликда Поп туманидаги дам олиш масканларидан бирига борган. У маскан ҳудудидан оқиб ўтувчи Чўдаксой сойига чўмилиш мақсадида тушган. Дастлабки маълумотларга кўра, эҳтиётсизлик оқибатида йигит сувда чўкиб кетган ва қайта сув юзасига чиқмаган.
Мазкур ҳолат юзасидан Поп тумани прокуратураси томонидан терговга қадар текширув ҳаракатлари олиб борилмоқда.
Шунингдек, текширув доирасида туман Фавқулодда вазиятлар бўлими қутқарувчилари жалб этилган ҳолда сувга чўкиб кетган йигитни қидириш ишлари давом эттирилмоқда.
