Тошкентда электробус уриб кетиши оқибатида бир киши вафот этди
Автобус орқага ҳаракатланаётган вақтда пиёдани уриб юборган.
2026 йил 6 июнь куни соат 13:40 ларда Тошкент шаҳрининг Бектемир туманида “Yutong” русумли электробус пиёдани уриб кетди. Бу ҳақда “Тошшаҳартрансхизмат” АЖ матбуот хизмати хабар берди.
Маълум қилинишича, ҳайдовчи Ш.Н. бошқарувидаги электробус “Қўйлиқ деҳқон бозори” АШБ ҳудудида орқага ҳаракатланаётган вақтда пиёда А.К.ни уриб юборган.
Ҳодиса оқибатида пиёда олган тан жароҳатлари сабаб воқеа жойида вафот этган.
Йўл-транспорт ҳодисаси ўрнатилган тартибда Тошкент шаҳар ИИББ Тергов бўлими масъул ходимлари томонидан расмийлаштирилган.
