PMI компаниясининг халқаро ва минтақавий мутахассислари билан учрашув ўтказилди

Бош прокуратура ҳузуридаги Департамент ҳамда Алкоголь ва тамаки бозорини тартибга солиш инспекцияси вакиллари томонидан  “Philip Morris International” (PMI) халқаро компанияси мутахассислари билан учрашув ўтказилди. 

 

 

Учрашувда яширин иқтисодиёт ҳажмини камайтириш ҳамда тамаки ва никотин маҳсулотларининг ноқонуний савдосини чеклаш ва олдини олиш борасида ўзаро тажриба алмашиш ҳамда икки томонлама ҳамкорликни мустаҳкамлаш масалалари юзасидан фикр алмашинди. 

 

 

Тадбирда компаниянинг халқаро ва минтақавий мутахассислари томонидан тамаки маҳсулотларининг ноқонуний савдосига қарши курашиш  соҳасида амалга оширилаётган чора-тадбирлар тўғрисида маълумотлар тақдим этилди.

 

Шунингдек, Департамент ва Инспекция вакиллари томонидан қуйидаги йўналишларда тақдимотлар қилинди: 

 

• контрабанда ва уюшган схемаларни аниқлаш; 
• хавф-хатарларни таҳлил қилиш ва етказиб беришни кузатиш; 
• шубҳали маҳсулотларни аниқлаш воситалари ва криминалистик экспертиза; 
• халқаро тергов ва минтақавий ҳуқуқни қўллаш амалиёти; 
• бизнес ва ҳуқуқ-тартибот органлари ўртасида тажриба алмашиш. 

 

 

Учрашув дўстона мулоқот тарзида ўтказилди ҳамда қайд этилган масалалар бўйича халқаро ҳамкорликни белгиланган тартибда амалга оширишга келишиб олинди.