Ўзбекистонда жарима баллари 12 баллдан юқори ҳайдовчилар сони 671 нафарга етди
Йўл ҳаракати қоидаларини бузган қарийб 400 минг ҳайдовчига маъмурий огоҳлантириш қўлланилган.
ЙҲХХ ахборот хизмати маълумотларига кўра, бугунги кунга қадар 671 нафар ҳайдовчи 12 баллдан юқори жарима баллини тўплаган. Амалдаги тартибга кўра, жарима баллари 12 баллдан ошган ҳайдовчи транспорт воситасини бошқариш ҳуқуқидан камида олти ой муддатга маҳрум этилади.
Маълум қилинишича, маъмурий огоҳлантириш транспорт воситасидан фойдаланиш қоидаларини бузиш, автомобилни бошқариш вақтида телефондан фойдаланиш, ҳайдаш чоғида монитор ёки дисплей орқали теледастурларни томоша қилиш, тўхташ ва тўхтаб туриш қоидаларини бузиш, мажбурий суғурта тўғрисидаги қонунчилик талабларига риоя қилмаслик, шунингдек, пиёдалар ва йўл ҳаракатининг бошқа иштирокчилари томонидан йўл ҳаракати қоидаларини бузиш ҳолатларида қўлланилади.
Қайд этилишича, маъмурий огоҳлантириш айни бир шахсга нисбатан бир йил давомида фақат бир марта берилиши мумкин.
