852 нафар шахс афв этилди
Уларнинг 604 нафари жазодан тўлиқ озод қилинади.
Ўзбекистон Президентининг Мустақилликнинг 35 йиллиги арафасида жазо муддатини ўтаётган, қилмишидан чин кўнгилдан пушаймон бўлган ва тузалиш йўлига қатъий ўтган шахсларни афв этиш тўғрисидаги фармони имзоланди. Бу ҳақда “Ўзбекистон 24” телеканалида маълум қилинди.
Фармонга мувофиқ, жами 852 нафар шахс афв этилди.
Шундан:
-
604 нафари жазодан тўлиқ озод қилинади;
-
115 нафари муддатидан илгари шартли равишда озод қилинади;
-
52 нафарининг жазоси енгилроқ жазо билан алмаштирилади;
-
81 нафар маҳкумнинг жазо муддати қисқартирилади.
Афв этилганлар орасида 7 нафар хорижий фуқаро ҳамда тақиқланган ташкилотлар фаолиятида қатнашган 63 нафар шахс бор.
Шунингдек, афв этилганларнинг 375 нафари ёшлар, 49 нафари аёллар ва 37 нафари 60 ёшдан ошган эркакларни ташкил этади.
