Чорвоқ сув омборида ота ва унинг икки ўғил чўкиб кетди
Ҳозирда қидирув ишлари амалга оширилмоқда.
2026 йил 2 сентябрь куни Тошкент вилояти Бўстонлиқ тумани, «Бурчмулла» МФЙ ҳудудидаги Чорвоқ сув омборида уч нафар фуқаро — ота ва унинг икки ўғли чўкиб кетган.
ФВВга кўра, улар катерда сайр қилиш вақтида сувга тушиш тақиқланган ҳудудга борган ва қутқарув нимчаларисиз сувга тушган.
Ҳодиса ҳақида хабар келиб тушиши билан ФВВнинг ғаввос-қутқарувчилари воқеа жойига етиб борган. Ҳозирда улар 2–2,5 километр радиусдаги ҳудудда қидирув ишларини олиб бормоқда. Қидирувга зарур куч ва воситалар жалб этилган.
ФВВ маълумотига кўра, сув омборининг чуқурлиги ва қидирув ҳудудининг кенглиги ишларни мураккаблаштирмоқда.
Қидирув ишлари ФВВ томонидан тўлиқ назоратга олинган.
