Алишер Қодиров ўлим жазосини тиклашни таклиф қилди
У 3 ёшли болани ўлдирган эркак яшамаслиги кераклини айтди.
Депутат ўзининг телеграм каналида Тошкент шаҳрида 3 ёшли боланинг ваҳшийларча ўлдирилишига муносабат билдириб, бундай жиноятга қўл урганларга нисбатан ўлим жазосини тиклаш кераклигига ишора қилди.
“Жиноятнинг ҳаммаси ҳам жиноят, лекин мурғак болага ваҳшийлик қилган инсон яшамаслиги керак. Бундайлардан жамиятни тозалаш керак!”, деб ёзган у.
Шунингдек, депутат ҳайвонлашиб кетган жиноятчини қамоқхонада солиқлар ҳисобидан соғлиғини сақлаб, қорнини тўйдириб, бошқа инсон бўлиб қолишини кутиш мантиқсиз эканини айтади.
“Бундай маҳлуқлар нафақат бугун, балки келажакдаги про-маҳлуқларга намуна устоз бўлиб хизмат қилишини унутмаслик керак”, дейди Қодиров.
