Андижонда ҳиндистонлик эркакнинг ёнган жасади топилди

 

Ижтимоий тармоқларда Андижон вилоятида номаълум эркакнинг ёнган жасади топилгани ҳақида хабарлар тарқалди. Ҳолат юзасидан вилоят прокуратураси расмий муносабат билдирди.

 

Маълум бўлишича, 9 май куни Ҳиндистондан Ўзбекистонга келган Андижон давлат тиббиёт институтида таҳсил олаётган 2002 йилда Ҳиндистонда туғилган талаба қизни олдига келиб, унга турмуш қуриш истагида келганлигини билдирган ва институт яқинидаги меҳмонхонада яшаб келган.

 

Қиздан рад жавобини олганидан сўнг унинг руҳиятида ўзгариш бўлиб, Ҳиндистонлик бошқа талабаларга энди ҳаётнинг қизиғи йўқлиги, ўз жонига қасд қилиши ҳақида айтиб келган ва “Заҳириддин Муҳаммад Бобур” номидаги истироҳат боғи ҳудудига кирувчи адирликда номаълум суюқлик ёрдамида ўзини ёқиб, воқеа жойида вафот этган.

 

Судга оид тиббий экспертизанинг дастлабки маълумотларига кўра, марҳумнинг танаси ва ички аъзоларида бирор бир кўринишдаги тан жароҳатлари аниқланмаган.  

 

Ҳозирда суд-тиббий, суд-кимёвий ва суд-биологик экспертизалари тайинланган. Мазкур ҳолат бўйича Жиноят кодексининг 103-моддаси 1-қисми билан жиноят иши қўзғатилди.

 

“Тергов ўтказиш йўли билан қонуний қарор қабул қилиниши таъминланади”, — дейилади хабарда.