Андижонда “замдиректор” ўқувчига тегажоғлиқ қилгани айтилмоқда
Ҳозирда терговга қадар текширув олиб борилмоқда.
Ижтимоий тармоқда Андижон вилоятида мактаб директорининг ўринбосари ўқувчи қизларга тегажоғлик қилаётгани айтилган хабарлар тарқалди. Ҳолатга Болалар омбудсмани муносабат билдирди.
Маълум бўлишича, жорий йилнинг 7 май куни Андижон вилоятида жойлашган 1-сонли умумтаълим мактабига 1957 йилда туғилган аёл келиб, муассаса маъмурияти ва инспектор-психологга мурожаат қилган.
Ўз мурожаатида унинг набираси, 6-синф ўқувчисига нисбатан мазкур мактаб директор ўринбосари M.K. тегажоғлик қилганлигини айтиб, бундай ҳолат аввал ҳам кузатилганлигини билдирган.
Ҳозирда ҳолат бўйича Андижон шаҳар ИИО томонидан терговга қадар текширув олиб борилмоқда.
