Оқ Уй раҳбари сўзларига кўра, бу орқали эмланган фуқаролар сонини ошириш ҳамда вакцинани инкор қилаётганларга қарши кураш мақсад қилинган. Ушбу режада 6 йўналиш бўйича чора-тадбирлар белгиланган.
“Агар биз буни ҳаётга муваффақиятли тадбиқ эта олсак, келгусида, энг аввало,эмланган америкаликлар сони кўпаяди. Иккинчидан, касалхонага ётқизиш ва ўлим ҳолатлари камаяди. Фарзандларимиз мактабларга хотиржам боради ҳамда корхоналар ишлаб туриши ортидан иқтисодиётимиз ривожланади”, – деб таъкидлаган Президент.
Шу билан бирга, АҚШ ҳукумати тизимида ишлайдиган барча хизматчилар мажбурий тарзда эмланиши эълон қилинди. Оқ Уй матбуот котиби Жен Псаки бунга қаршилик қилганлар ишдан бўшатилиши мумкинлигидан огоҳлантирган. “Агар ҳукуматда ёки ҳукумат билан шартнома асосида ишлашни истасангиз вакцина олишингиз керак”, - деган Псаки.
Бундан аввал АҚШ Хитойда коронавирусни ўрганишга 3 миллион доллар ажратгани хабар қилинган эди.
Жаҳонгир Қўзиев