Аргентинанинг Буенос-Айрес шаҳрида маҳаллий телеканал мухбири Карлос Феррера жонли эфир вақтида иссиқдан ҳушидан кетди. Бу ҳақда TN Todo Noticias телеканали хабар бермоқда.
Маълумотларга кўра, журналист жонли эфирда опера театридан хабар бераётган эди. У томошабинларга янги ПЦР тест пункти ҳақида гапириб берди. Трансляция тугаш арафасида Феррера тўсатдан асфалтга йиқилган.
Студиядаги янгиликлар бошловчиси уларнинг журналисти ҳаддан ташқари иссиқда ишлашига тўғри келганини айтди. Кейинчалик унинг қўшимча қилишича, Феррерага ёрдам кўрсатилган, унинг соғлиғи ҳозирда барқарор.
Маълумот учун: Аргентинада 12 январь куни термометрлар + 45 ° га кўтарилган, бу мамлакатда рекорд даражади юқори ҳарорат сифатида қайд этилди.
Эслатиб ўтамиз, Грециянинг Аттика ҳудудидан жонли эфирда ўрмон ёнғинлари ҳақида хабар узатаётган мухбир талончиларга дуч келган эди.