Журналист жонли эфир пайтида таланди
Грециянинг Аттика ҳудудидан жонли эфирда ўрмон ёнғинлари ҳақида хабар узатаётган мухбир талончиларга дуч келди.
Хабар қилинишича, OPEN TV мухбирига талончилар таҳдид қилганда яқин атрофдаги полиция ходимлари воқеага аралашмаган.
Жанжалнинг бошланиши жонли эфирга кетган, аммо кўп ўтмай алоқа узилиб қолган.
15 кишидан иборат талончилар мухбир Элефтерия Спираки ва тасвирга олувчилар гуруҳини ўраб олган, автомобиль ойналарини синдириб, операторларнинг шахсий буюмлари ва пулларини ўмарган, уларни қаттиқ ҳақорат қилган.
Журналист телефон орқали тўрт нафар полициячи уларнинг тўғрисида тургани ва воқеага аралашмаганини йиғлаб айтиб берган. Фақат ўт ўчирувчилар аралашганидан сўнг талончилар қочиб кетган.
Шарофат Маҳмудова
