Ахлат қутисидан янги туғилган чақалоқ топилди
Бугун, 9 сентябрь куни Москва шаҳрида турар-жой бинолари олдидаги ахлат қутисидан полиетилен ҳалтага ўралган ҳолда янги туғилган чақалоқ топилди. Бу ҳақда “Риа Новости” хабар қилди.
Дастлабки маълумотларга кўра, қизчани кўча супурувчилари топиб олган. Сўнгра зудлик билан тез ёрдам ва ички ишлар бўлимига хабар қилган.
Тезкор суриштирув натижасида ташлаб кетилган чақалоқнинг онаси топилган. У чақалоқ ташлаб кетилган уйда яшовчи 37 ёшли П.Р. эканлиги маълум бўлган. Аниқланишича, аёлнинг 15 ёшли яна бир қизи бор. Бироқ аёл унга нисбатан ота-она ҳуқуқларидан маҳрум қилинган.
Ушбу ҳолат юзасидан суриштирув ишлари ўтказилмоқда. Шунингдек, аёлга нисбатан болани ўлдиришга уриниш ҳолати бўйича жиноий иш очилган.
Аввалроқ, Контрабандачилар томонидан АҚШ-Мексика чегарасида чақалоқ ва 5 ёшли болани ташлаб кетишгани ҳақида хабар берган эдик.
Муножат Валиева
