АҚШ президенти Жо Байден мамлакатдаги иқтисодий муаммолар туфайли Хитойни “секин таъсир қилувчи бомба” деб атади.
“Уларда қандайдир муаммолар бор. Бу яхши эмас, чунки ёмон одамлар муаммога дуч келганда, улар ёмон ишларни қилишади”, - дейди Байден.
АҚШ президенти “Хитой муаммога дуч келганини” қайд этиб, Хитойга зарар етказишни истамаслигини ва бу давлат билан оқилона муносабатларга интилаётганини қўшимча қилди.
Эслатиб ўтамиз, Байден июнь ойида Хитой раҳбари Си Сзинпинни диктатор деб атаган эди. Кейин Хитой бу сўзларни провокация деб изоҳлаган.
ОАВнинг ёзишича, Хитойнинг истеъмол сектори дефляцияга тушиб қолган, июль ойида эса сотиш нархлари пасайишда давом этган. Хитой бошқа мамлакатлардаги инфляциядан фарқли ўлароқ, истеъмол нархлари ва иш ҳақининг турғунлашуви билан иқтисодий ўсишнинг секинроқ даврига кириши мумкин.