Бўстонлиқда Gentra аварияга учради
Ҳолат юзасидан расмий муносабат билдирилди.
Ҳодиса бугун, 26 август куни соат 17:00 ларда Тошкент вилояти Бўстонлиқ тумани ҳудудидан ўтувчи автомобиль йўлининг 50-километрида юз берган. 1993 йилда туғилган ҳайдовчи бошқарувидаги Gentra русумли транспорт воситасида Чорбоғ-Тошкент йўналишида ҳаракатланиб кетаётган вақтида бошқарувни йўқотиб, йўл четига чиқиб кетиган.
Ушбу йўл транспорт ҳодисаси натижасида ҳеч қайси ҳаракат иштирокчиларининг соғлиғига зиён етмаган. Транспорт воситаси техник шикастланган.
Ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.
