Америкалик қўшиқчи Бритни Спирс ва унинг турмуш ўртоғи Сем Асгари хиёнат айбловлари билан боғлиқ жанжалдан кейин ажралишди.
ТМЗ хабарига кўра, Асгари қўшиқчини хиёнатда айблаганидан сўнг эр-хотин тахминан бир ҳафта олдин катта жанжал қилган. Қайд этилишича, у Спирс билан бирга яшаган уйдан нарсаларни олиб кетган.
“Семнинг ажрашиш учун ариза бериши вақт билан боғлиқ масала”, деб ёзади манба.
Нашрнинг хабар беришича, сўнгги ойларда эр-хотиннинг муносабатлари рисоладагидек бўлмаган: Асгари Бритни билан бирга яшайдиган уйга деярли келмайди. Агар бу ҳолат содир бўлганда ҳам қўшиқчи қичқириб, жанжал чиқаради.
