0
Тошкент метросига 3 та янги поезд олиб келинди
Поезд синовдан ўтказилгандан сўнг йўловчиларга хизмат қилиш учун чиқарилади.
Бугун Тошкент метрополитенига яна янги тўрт вагонли 3 та метро поездлари олиб келинди. Бу ҳақида метрополитен матбуот хизмати хабар бермоқда.
Қайд этилишича, ушбу поездлар белгиланган йўриқномага асосан, 9-10 кун давомида техник синовдан ўтказилиб, сўнгра йўловчиларга хизмат қилиши учун йўналишларга чиқарилади. Бу вагонлар йўналишлардаги вақт интервалларини янада қисқартириш мақсадида олиб келинган.
Таъкидланишича, 2025 йил январь-февраль ойларида яна 6 та метро поезди олиб келиниши режаланган.
Эслатиб ўтамиз, метрополитен 2024 йил 31 декабрда ҳам "Метровагонмаш" (Россия) заводида ишлаб чиқарилган 3 та поезд олганини эълон қилганди.
