“Барселона” 28 ёшли германиялик плеймейкернинг хизматларига қизиқиш билдирмоқда. Бу ҳақда нашри “El Nacional” хабар берди.
Унга кўра, келишув 15 миллион еврони ташкил қилиши мумкин. “ПСЖ” Дракслернинг кетишига қарши эмас. Чунки жамоанинг мураббийлар штаби уни асосий футболчи сифатида кўрмайди. Ҳозирда Юлиан Каталония клуби учун устувор вариантлардан бири бўлиб қолмоқда.
Эслатиб ўтамиз, Дракслер 2017 йилнинг январида “Волфсбург” клубидан “ПСЖ” сафига ўтган эди. Жорий мавсумда Юлиан парижликлар сафида барча турнирларда 14 та ўйин ўтказиб, иккита гол урди ва шунча голли узатмани амалга оширди.
Маълумот ўрнида: трансфермаркт интернет портали немис футболчисининг трансфер нархини 20 миллион еврога баҳолаган.
Аввалроқ, “ПСЖ” президенти Неймарни “Барса”га таклиф қилгани ва “Барселона” Дембеле билан шартномани узайтирмаслиги ҳақида хабар берилганди.
Жамшидбек Амиров