Эрдоған келаси ҳафта Ўзбекистонга келиши кутилмоқда
Туркия раҳбари буни “муҳим ташриф” дея изоҳлади.
Туркия Президенти Ражаб Тоййиб Эрдоған келаси ҳафта Ўзбекистонга келиши кутилмоқда. Бу ҳақда у журналистлар билан қилган мулоқотида айтиб ўтган.
“Бу ой Ар-Риёдда Ислом ҳамкорлик ташкилотининг саммити бўлади. Биз ушбу саммитда қатнашамиз. Келаси ҳафтада Ўзбекистонга ҳам ташриф буюрамиз. Бу айни вақтда жуда муҳим ташрифлардир”, - деган мамлакат етакчиси.
Унинг қўшимча қилишича, ноябрь охирида Эрон Президенти Иброҳим Раисий Туркияга расмий ташриф билан боради. Давлат раҳбарлари минтақавий масалаларни муҳокама қилади.
