Эртага Тошкентнинг 2 та туманида «свет» ўчирилади
Бу ҳақда пойтахт ҳокимлиги маълум қилди.
Куз-қиш мавсумига пухта тайёргарлик кўриш мақсадида Тошкентнинг айрим туманларидаги қатор кўчаларда электр таъминоти вақтинча тўхтатилади. Бу ҳақда пойтахт ҳокимлиги маълум қилди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш мақсадида эртага, 19 сентябрь куни қуйидаги манзилларда электр таъминоти вақтинча ўчирилади:
—Учтепа тумани: «А.Қодирий» ва “Кўкча Оқтепа” МФЙларининг айрим кўчаларида соат 09:00 дан 17:00 гача;
—Миробод тумани: «Ойбек» МФЙнинг айрим кўчаларида соат 09:00 дан 17:00 гача.
“Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, — дейилади.
