Фарғонадаги ёнғинда бир киши ҳалок бўлди
Ҳодиса бўйича қўшимча маълумот берилди.
Қайд этилишича, ҳодиса 17 декабрь куни соат 13:43 да Фарғона шаҳар, “Янгийўл” МФЙ, А.Яссавий кўчасидаги кўп ёнилғили АЁҚШ ва АГҚШ шохобчасида содир бўлган.
Маълум қилинишича, суюлтирилган газ тўкиш вақтида технологик жараёнларнинг бузилиши ҳамда техника хавфсизлиги қоидаларига риоя қилинмаслиги оқибатида чақнаш содир бўлган, ундан сўнг ёнғин юзага келган.
Ёнғин қутқарувчилар 13:47 да етиб бориб, 14:02 да ёнғин ўраб олиниб, 14:12 да батамом ўчирилган.
Ёнғин оқибатида бир нафар фуқаро вафот этган, тўрт нафар фуқаро тан жароҳати олган, саккиз нафар фуқаро тиббиёт ходимлари назоратида.
