Франция президенти Эммануэл Макрон эронлик ҳамкасби Иброҳим Раисийга қўнғироқ қилиб, Россияга учувчисиз самолётлар юбориш оқибатларидан огоҳлантирди. Хусусан, у Эронни Украинага қарши урушда Россияга дронлар етказиб беришни “зудлик билан тўхтатиш”га чақирган.
Суҳбат чоғида шунингдек, Франция раҳбари Эрон ядро дастурининг ривожланишидан хавотирини билдирди.
Москва ва Теҳрон Россия Федерациясига Эрон дронлари етказиб берилгани ҳақидаги маълумотларни ҳамон инкор этмоқда.
Эслатиб ўтамиз, 18 декабрь куни Эрон Россия билан муносабатларни кенгайтириш учун “ҳеч кимдан рухсат сўрамасликларини” маълум қилган эди.