“Green Card” учун ариза бериш қачон бошланиши айтилди
2026 йил учун жами 55 000 тагача визалар бериш режалаштирилган.
Green Card-2026 мавсуми учун рўйхатдан ўтиш 2 октябрь куни соат 21:00 да бошланиб, 5 ноябрь соат 21:00 га қадар давом этади.
Маълум қилинишича, 2026 йил учун жами 55 000 тагача турли миллат вакилларига визалар бериш режалаштирилган. Махсус дастурда рўйхатдан ўтиш учун ҳеч қандай тўлов йўқ, лекин сараланганлар расмий виза аризасини топширишдан олдин виза учун тўлов қилиши керак.
Маълумот учун, Green Card чет эл фуқароларига АҚШда расман ишлаш имконини берувчи шахсни тасдиқловчи ҳужжат ҳисобланади.
Бу виза лотереяси бўлиб, унда иштирок этиш учун сиз махсус шаклни тўлдиришингиз керак. Ҳар йили бутун дунё бўйлаб минглаб аҳоли лотереяда ютиб олади ва АҚШга расман кўчиб ўтиш имкониятига эга бўлади.
