Грузияда мактаб ўқувчилари ва талабалар дарсларда қатнашишни рад этиб, норозилик намойишларига чиқишмоқда.
Баъзи ўқитувчилар "Мамлакат келажаги дарс ўтказишдан муҳимроқ", дея ўқувчи ва талабаларни қўллаб-қувватладилар.
"Тбилиси Давлат Университети талабалари гуруҳи пойтахт кўчалари бўйлаб ўтди. Талабалар университет раҳбариятини дарсларни тўхтатишга, шунингдек, ректорнинг истеъфосини талаб қилишга чақирмоқда", деб ёзади Paper Kartuli.
Грузия Бош вазири Ираклий Кобахидзе мактабларни "сиёсатдан ажратиш"га чақирди ва уларда "ватанпарварлик тарбияси" етишмаётганини айтди.