Ҳиндистоннинг нефтни қайта ишлаш заводлари АҚШ тариф босими ортидан Россия нефтини харид қилишни вақтинча тўхтатди. Блоомберг хабарига кўра, бу қарор Вашингтоннинг Ҳиндистондан импорт қилинадиган айрим товарларга 25 фоизлик божлар жорий қилгани фонида қабул қилинган.
Маълумотларга кўра, Indian Oil Corp., Bharat Petroleum Corp. ва Hindustan Petroleum Corp. компаниялари ҳукуматдан тушунтиришни кутиб, Россия нефтини спот харид қилишнинг навбатдаги босқичини ўтказиб юборишни режалаштирмоқда. Компаниялар АҚШ билан иқтисодий алоқаларда юзага келиши мумкин бўлган оқибатлардан хавотирда.
Манбалар таъкидлашича, қарор АҚШ президенти Доналд Трампнинг Россия билан энергетика соҳасидаги ҳамкорлик учун 25 фоизлик бож жорий этиш ҳақидаги фармони билан боғлиқ. Бу божлар Ҳиндистоннинг энергетика импорти сиёсатига бевосита таъсир кўрсатмоқда.
Мутахассисларнинг фикрича, агар божлар бекор қилинмаса, Ҳиндистон нефть импортида бошқа бозор манбаларига мурожаат қилишга мажбур бўлиши мумкин. Бу эса Россия нефтининг Ҳиндистон бозоридаги улушини қисқартиради ва глобал нефть савдосидаги кучлар нисбатига таъсир этади.