Икки давлатни “яраштириш” учун Украинага кетган Юлдуз Усмонова ҳозир қаерда?
Ўзбекистон халқ артисти Юлдуз Усмонова бундан 4 кун аввал, 19 февраль куни хонанда Бунёдбек Саидов билан Украинага хизмат сафарига йўл олганди.
Бу ҳақда хонанда ўзининг Instagram’даги саҳифасида маълум қилган. Видеода улар билан яна бир сирли инсон ҳам борлиги айтилган. Аммо унинг кимлиги ҳақида маълумот очиқланмаган.
“Бориб тинчлантириб келмасам бўлмайди. Санъат билан ҳаммаёқ ярашиб кетса, не ажаб?”, — дея ҳазиломуз гапирган Ю.Усмонова.
Бугун эрта тонгда бошланган Россия ва Украина ўртасидаги низоли вазиятдан сўнг хонанданинг қаердалиги кўпчиликни қизиқтирди.
Хўш, Усмонова сафардан қайтдими? Ҳозир у қаерда? Унинг Instagram саҳифасидаги постларидан билиш мумкинки, хонанда кеча Киевдан қайтган. У аллақачон Халқлар дўстлиги санъат саройида бўлиб ўтадиган концерт дастурига тайёргарликни бошлаб юборган. Юлдуз Усмоновага Ботир Қодиров ва “Наврўз” рақс ансамбли ҳамроҳлик қилмоқда.
