Икки хил рангли эгизаклар
Бундай ҳолат миллионтадан биттада бўлади.
Британиялик 29 ёшли Shantel Broughton шу йилнинг апрел ойида эгизаклар - ўғли Аион ва қизи Азирани дунёга келтирди. Болаларнинг ўзига хослиги шундаки, уларнинг ранглари ҳар хил.
Ўғил боланинг кўзлари яшил ва териси оқ, қизчанинг кўзлари жигарранг ва терисининг ранги қора. Генетика бўйича мутахассислар бу каби ҳолат миллионтадан биттада бўлишини ҳисоблаб чиқишган.
Аёлнинг онаси томонидан бобоси нигериялик, болаларнинг отаси эса шотландиялик.
Аёлнинг айтишича, эгизаклар туғилганда бир хил кўринишга эга бўлган, бироқ улар ўсиб-улғайгани сари ранглари ўзгариб бормоқда.
Эслатиб ўтамиз, аввалроқ ироқлик аёл 7 нафар чақалоқни дунёга келтирган эди.
