Индонезия Саноат вазирлиги янги iPhone 16 мамлакат бозорида сотилмаслигини эълон қилди.
Қайд этилишича, Apple Indonetsiа бўлинмаси барча смартфонлар учун мажбурий бўлган 40 фоизлик маҳаллий контент талабини бажармаган. Тақиқ Appleʼга сезиларли таъсир кўрсатиши мумкин, чунки Индонезиядаги смартфонлар бозори компания савдосининг ўсишида муҳим роль ўйнайди.
Расмийлар, шунингдек, Apple мамлакатда ишлаб чиқариш корхоналарини қуриш ўрнига ишлаб чиқувчилар учун академияларни ривожлантирганидан норозилик билдирган.