Жанубий Кореяда рекорд даражадаги ёғингарчилик оқибатида 14 кишига ҳалок бўлди, деб ёзмоқда “Yonhap” ахборот агентлиги.
Қурбонларнинг саккиз нафари Сеулда, тўрт нафари Кёнги провинциясида ва икки нафари Гангвон провинциясида ҳалок бўлган. Шунингдек, 6 киши бедарак йўқолган.
Ҳозирда мамлакатда табиий офат туфайли 7480 киши эвакуация қилинган.
Эслатиб ўтамиз, Сеулда душанбадан чоршанбагача 525 мм ёмғир ёғди. Сеулдан 45 км узоқликда жойлашган Янгпёнг шаҳрида бу кўрсаткич 526,2 мм даражага етган.