Бугун, 18 март куни Ўзбекистон ташқи ишлар вазири Абдулазиз Комилов Жанубий Кореянинг янги тайинланган элчиси Ким Хи Сангни қабул қилди.
Ишонч ёрлиқлари нусхасини топшириш маросимидан сўнг вазир элчини янги лавозимга тайинлангани билан табриклаб, юксак ва масъулиятли лавозимида муваффақиятлар тилади.
Дипломатик муносабатлар ўрнатилганининг 30 йиллиги ва Ўзбекистонда корейс диаспораси ташкил топганининг 85 йиллигини нишонлаш бўйича "Ўзаро алмашинув йили" доирасида бўлиб ўтадиган тадбирлар жадвали кўриб чиқилди.
