Жиззахда “права”сиз йигитлар кўчада “ҳунар кўрсатди”
Ҳолат юзасидан расмий муносабат билдирилди.
Ижтимоий тармоқда Жиззах вилоятининг Шароф Рашидов туманида бир гуруҳ шахслар томонидан хавфли манёврлар содир этилгани акс этган видео тарқалмоқда.
Қайд этилишича, ушбу видео вилоят ЙҲХБ ходимлари томонидан ўрганилиб, транспорт воситалари ва уларни бошқарган фуқароларнинг шахсига аниқлик киритилган.
Аниқланишича, йигитларнинг айримларида ҳайдовчилик гувоҳномаси мавжуд бўлмаган. Улар дўстининг тўйи куни кортежда шундай ҳуқуқбузарликни содир этганини айтишган.
Ҳозирда уларга нисбатан белгиланган тартибда қонуний чора кўрилиб, автомашиналар вақтинча сақлаш учун жарима майдончасига жойлаштирилган.
