Мураббий жамоаси билан мазкур баҳсда икки юзинчи ғалабасини қўлга киритди. Юрген Клоппга 200 та ғалаба қозониш учун 331 та ўйин керак бўлган. Илгари ҳеч қайси мураббий бу кўрсаткичга шунчалик тез эриша олмаган. Аввалги рекорд афсонавий Кенни Далглишга тегишли эди. У 333 учрашувда 200 та ғалаба қозонган. Бу рейтингда учинчи ўринни Боб Пейсли (345) эгаллаган.
Эслатиб ўтамиз, “Ливерпул” 9-турда 21 очко билан АПЛ турнир жадвалида иккинчи, “Манчестер Юнайтед” эса атиги 14 очко билан 7-ўринда бормоқда.
Аввалроқ Юрген Клопп “Манчестер Юнайтед” – “Ливерпул” ўйини олдидан фикр билдиргани ва Юрген Клопп билан Жеймс Милнер қандай жанжаллашиб қолгани ҳақида хабар берилганди.
Жамшидбек Амиров