Йўл ҳаракати хавфсизлиги хизмати хабар беришича, бугун Сурхондарё вилояти Термиз шаҳрида кучли шамол кузатилган. Натижада дарахт "Nexia-2" автомобили устига қулаган. Бахтсиз ҳодиса туфайли автомобильга зарар етган, тан жароҳати олганлар йўқ.
Хавфсизлик хизмати ҳодиса юзасидан мурожаат йўллаган. "Барча ҳайдовчилардан йўлларда эҳтиёткор бўлишларини, транспорт воситаларини дарахт ёки кучли шамолга чидамсиз воситалар яқинида қолдирмаслигларини сўраймиз", — дейилади хабарда.
Аввалроқ, ноқулай об-ҳаво сабабли Тошкент шахрида ҳам дарахт қулаши натижасида 6 та (Kia, Gentra, Nexia-3, Damas, Cobalt, Niva) енгил автомобиль шикастланган эди.