Молдова Россиянинг ахборот дастурларини эфирга узатишни тақиқлади
Шунингдек, Россиянинг ҳарбий фильмлар намойиши ҳам чекланди.
Молдова ҳукумати Россия янгиликларини трансляция қилишни тақиқлади. Президент Майя Санду ахборот хавфсизлиги тўғрисидаги қонунни имзолади.
Ушбу қонун кейинги ҳафтадан кучга киради. Ҳужжат Молдова телеканалларига Россия янгиликлари ва таҳлилий дастурларини, шунингдек, Россия ҳарбий филмларини кўрсатишни тақиқлайди.
Ҳужжатда ахборот хавфсизлигига таҳдид соладиган “дезинформация” тушунчаси ҳам белгилаб берилган. Гап “ҳарбий тажовуз, гибрид тажовуз, терроризм, диктаторлик тузумларини оқлайдиган ёки тарғиб қилувчи” маълумотлар ҳақида бормоқда.
Дезинформация тарқатганлик учун 2 минг евродан 5 минг еврогача жарима, шунингдек, эшиттириш лицензиясини, етти кунгача тўхтатиб туриш назарда тутилган.
