Наманганда мактаб ўқувчиси ЙТҲ содир этди
У машинани ижарага олган бўлган.
Наманган вилоятида 9-синф ўқувчиси ижарага олинган машинада йўл-транспорт ҳодисаси содир этди.
Қайд этилишича, ҳолат жорий йилнинг 2 ноябрь куни 10:00 лар атрофида Наманган шаҳар Амир Темур кўчасида содир бўлган. Суриштирувларга кўра, Давлатобод туманида жойлашган хусусий мактабнинг 9-синф ўқувчиси дўсти билан Lacetti русумли автомобилни 150 минг сўм эвазига ижарага олиб, ҳайдагани аниқланган.
Ҳозирда, мазкур ҳолат юзасидан суриштирув ишлари олиб борилмоқда.
Ҳолат юзасидан боланинг отаси билан профилактик суҳбат ўтказилди. Унга ўғли мактабга бориб келишини назоратга олиш, ҳаракатларидан доимий бохабар бўлиб туриш айтилди.
