Нигердаги исёнчилар етакчиси генерал Абдураҳмон Тчиани янги ўтиш даври ҳукуматини тузиш ҳақидаги фармонни имзолади.
Қайд этилганидек, Вазирлар Маҳкамасининг янги таркиби 21 кишидан иборат. Шу билан бирга, уларнинг мутлақ озчилиги ҳарбий унвонларга эга.
Июль ойи охирида ушбу мамлакатда ҳарбий тўнтариш содир бўлди. Давлат раҳбари Муҳаммад Базум ҳокимиятдан четлаштирилди. Президент гвардияси қўмондони генерал Тчиани қўзғолончилар томонидан тузилган Ватанни ҳимоя қилиш миллий кенгашига раҳбарлик қилди. Аксарият Ғарб давлатлари раҳбарлари давлат тўнтаришини қоралади.
Аввалроқ Нигердаги исёнчилар мамлакатнинг янги бош вазири номини маълум қилган эди.