Ўрта Чирчиқдаги цехда 215 млн сўмлик газ ўғирланди
Ҳозирда ҳолат юзасидан жиноий иш очилган.
Тошкент вилояти Ўрта Чирчиқ туманида 119,3 минг куб метр табиий газдан ноқонуний фойдаланиш ҳолати аниқланди. Бу ҳақида Иқтисодий жиноятларга қарши курашиш департаменти хабар берди.
Ўтказилган терговга қадар текширувда ЯТТ “Т.Р.”га қарашли ишлаб чиқариш цехида фуқаро С.Ж. тижорат мақсадида 3 та альюмин эритиш қозонларини ўрта босимли аҳоли газ тармоғига қўлбола газ сўрғич мосламаси ёрдамида яширинча улаб, 119,3 минг куб метр табиий газдан ноқонуний фойдаланиб, давлат ва жамият манфаатларига 214,7 млн сўм зарар етказганлиги аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
