Ўзбекистонда “Электрон рецепт” тизими йўлга қўйилади
Германиянинг «KfV» банки Ўзбекистонга 12 йил муддатга 45 миллион евро қарз ва 5,5 миллион евро грант ажратмоқда.
Германиянинг «KfV» банки Ўзбекистонга 12 йил муддатга 45 миллион евро қарз ва 5,5 миллион евро грант ажратмоқда. Бу маблағ “Рақамли соғлиқни сақлаш ислоҳотларини қўллаб-қувватлаш” лойиҳаси учун ишлатилади.
Президент қарори билан тасдиқланган 2023–2025 йилларда соғлиқни сақлаш тизимини рақамлаштириш бўйича чора-тадбирлар режасида яна бир қатор лойиҳалар назарда тутилган:
➖ Санаторийларга йўлланма олиш, навбатни кузатиш ва мавжуд бўш ўринларни кўриш имкониятини берадиган “Электрон санаторий” платформасини ишлаб чиқиш;
➖Онкологик касалликларга чалинган беморларнинг электрон рўйхатини юритишга мўлжалланган «Sanser-registr» ахборот тизимини жорий этиш;
➖Она ва бола саломатлиги паспортининг электрон тизимини яратиш;
➖Ягона портал орқали вақтинча меҳнатга лаёқатсизлик варақалари маълумотномаларини олиш имкониятини яратиш.
