Энергетика вазирлиги маълумотларига кўра, июнь ойида республика бўйича 6,1 млрд сўмлик электр энергиясидан ноқонуний фойдаланиш ҳолатлари аниқланган.
Маълум қилинишича, июнь ойида Энергетика вазирлиги ҳузуридаги «Ўзенергоинспекция» ва ҳуқуқни муҳофаза қилувчи органлар билан ҳамкорликда ўтказилган назорат тадбирларида 265 та ҳолатда истеъмолчилар томонидан 13,1 млн кВт/соат электр энергиясидан ноқонуний фойдаланиш ҳолатлари аниқланган.
Бунинг натижасида тизимга 6,1 млрд сўм зарар келтирилганлиги маълум бўлди. Ноқонуний фойдаланиш ҳолатларининг энг кўпи Андижон, Самарқанд ва Қашқадарё вилоятлари ҳиссасига тўғри келади.