Хилола Умарова вазир ўринбосари ва университет ректори лавозимига тайинланди
Шу муносабат билан Президенти Администрацияси раҳбарининг таълимни ислоҳ қилиш бўйича ўринбосари лавозимидан озод этилди.
Ўзбекистон Республикаси Президентининг тегишли фармонларига мувофиқ, давлат бошқаруви ва таълим тизимида кадрлар бўйича ўзгаришлар амалга оширилди.
Унга кўра, Хилола Уктамовна Умарова бошқа ишга ўтиши муносабати билан Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари лавозимидан озод этилди.
Мазкур лавозимга Илхом Тохирович Сираджев тайинланди.
Шунингдек, Хилола Уктамовна Умарова Ўзбекистон Республикаси Мактабгача ва мактаб таълими вазирлиги вазирининг педагогик таълимни ривожлантириш масалалари бўйича ўринбосари лавозимига ҳамда Низомий номидаги Ўзбекистон миллий педагогика университети ректори лавозимига тайинланди.
Мазкур тайинловлар таълим тизимини янада такомиллаштириш, педагогик кадрлар тайёрлаш сифатини ошириш ҳамда соҳада олиб борилаётган ислоҳотларни изчил давом эттиришга қаратилгани таъкидланди.
