Президент Шавкат Мирзиёев амалий ташриф билан АҚШга боради
Ташриф доирасида давлат раҳбари Вашингтон шаҳрида бўлиб ўтадиган Тинчлик кенгашининг дастлабки йиғилишида иштирок этади.
Президент Шавкат Мирзиёев Доналд Трамп таклифига биноан 17–19 февраль кунлари Америка Қўшма Штатларига амалий ташриф билан боради. Ташриф доирасида давлат раҳбари Вашингтон шаҳрида бўлиб ўтадиган Тинчлик кенгашининг дастлабки йиғилишида иштирок этади.
Саммит United States Institute of Peace'да ўтказилиши режалаштирилган бўлиб, унда Ғазо секторини тиклаш, гуманитар ёрдам кўрсатиш, минтақада тинчлик ва барқарорликни таъминлаш масалалари муҳокама қилинади.
Ташрифнинг ишбилармонлик дастури доирасида Ўзбекистон етакчиси АҚШнинг етакчи компаниялари ва молия институтлари раҳбарлари иштирокида стратегик лойиҳалар тақдимотида қатнашади ҳамда иқтисодий ҳамкорликка оид икки томонлама ҳужжатларни имзолаш маросимида иштирок этиши кўзда тутилган.
Эслатиб ўтамиз, Тинчлик кенгаши АҚШ Президенти Доналд Трампнинг ташаббуси билан ташкил этилган. Ўзбекистон жорий йил январ ойида Швейтсариянинг Давос шаҳрида унга таъсисчи давлат сифатида қўшилди.
