Париж кўчаларидан бирига Навалний номи берилади
Бу таклиф депутатлар томонидан маъқулланди.
Парижнинг 16-округи депутатлари шаҳар кўчаларидан бирига Алексей Навалний номини бериш таклифини бир овоздан маъқуллади. Катта эҳтимол билан у Россия элчихонаси жойлашган кўча бўлади.
Мухолифатчининг номи 16-тумандаги қайси кўчага берилиши ҳақида аниқ айтилмаган. Сенатор Френсис Спинернинг таклифига кўра, у Россия дипломатик ваколатхонаси жойлашган Лан проспекти билан кесишади. Шунингдек, кўчанинг бурчагида Навалний хотирасига арт-объект ўрнатиш ҳам режалаштирилган.
Франциядан ташқари Германияда ҳам Берлин кўчаларидан бирга Навалний номини бериш ғояси илгари сурилмоқда.
