Ўзбекистон Республикаси Президенти Шавкат Мирзиёев амалий ташриф билан Сюрих шаҳрига келди.
Сюрих халқаро аэропортида Президентни Бирлашган савдо-саноат палатаси раҳбари Дорит Пробст кутиб олди.
Ташриф дастурига мувофиқ, 22 январь куни Давос шаҳрида мамлакат етакчиси АҚШ Президенти Доналд Трамп ташаббуси билан ташкил этилаётган Тинчлик кенгаши Низомини имзолаш маросимида иштирок этиши ҳамда қатор икки томонлама учрашувлар ўтказиши кўзда тутилган.
Эслатиб ўтамиз, аввалроқ АҚШ президенти Доналд Трамп Ўзбекистонни Ғазо бўйича Тинчлик кенгашига таъсисчи аъзо сифатида таклиф қилган эди. Президент Шавкат Мирзиёев Ўзбекистоннинг Ғазо бўйича халқаро тинчлик ташаббусида иштирок этишга тайёрлигини билдирган.