КХДР ядро синовлари ўтказган тақдирда, унга қатъий жавоб чоралари кўрилади. Бу ҳақда АҚШ давлат котибининг биринчи ўринбосари Уэнди Шерман маълум қилди.
Дипломат бу ҳақда Сеулда, Жанубий Кореялик ҳамкасби Чо Хен Дон билан музокаралар давомида гапирган.
Унинг сўзларига кўра, қатъий чоралар нафақат АҚШ, балки Жанубий Корея ва бутун дунё томонидан қўлланилади.
"Биз эртага Япония ва Жанубий Корея билан уч томонлама музокараларни давом эттирамиз", — деган Шерман.
Аввалроқ АҚШ ва Жанубий Корея биргаликда баллистик ракета учирганди.