Қозоғистон ташқи ишлар вазири ўзгарди
Шу кунгача Мухтор Тлауберди мамлакат ТИВни бошқариб келаётганди.
Мурат Нуртлеу Қозоғистон бош вазири ўринбосари — ташқи ишлар вазири этиб тайинланди. Бу ҳақда мамлакат президенти фармонида сўз боради.
Нуртлеу шу кунга қадар Қозоғистон Республикаси президенти администрациясини бошқариб келаётганди. Фаолияти давомида у бир неча мамлакатда элчи бўлган. Бундан ташқари, ўтган йили Республика миллий хавфсизлик қўмитаси ўринбосари лавозимини эгаллаган.
Шу кунгача ТИВни бошқариб келган Мухтор Тлаубердининг қайси лавозимга ўтгани маълум эмас.
