Қозоғистоннинг Қизилўрда вилоятида икки киши Қрим-Конго геморрагик иситмаси қурбони бўлди, дея хабар бермоқда «Казинформ» «Хабар 24» телеканалига таяниб. Маълумотларга кўра, Янгиқўрғон вилоятидан 77 ва 51 ёшли фуқаролар касаллик белгилари билан оғир аҳволда касалхонага ётқзилган. Оқибатда беморлар реанимацияда вафот этган.
Маълум қилинишича, 2023 йил бошидан буён вилоят тиббиёт муассасаларига шомил чақиши бўйича 600 дан ортиқ фуқаро мурожаат қилган. Улардан 23 нафари Конго-Қрим геморрагик иситмаси шубҳаси билан касалхонага ётқизилган. Шундан 8 та ҳолатда ташхис тасдиқланган.
«Ҳар бир ҳолат қайд этилганда 12 соат ичида шахсий ҳудудлар, чорва моллари ва ҳайвонлар дезинфекция қилинади. Барча алоқада бўлган шахслар 14 кун давомида шифокор назорати остида бўлиши лозим», — деди Қизилўрда вилояти санитария-эпидемиология назорати бошқармаси бошлиғи ўринбосари Алия Абдиқаимова.