Рим Папаси нафас етишмовчилигини бошдан кечирмоқда
Ҳозирда у сунъий нафас олдириш аппаратига ётқизилган.
Рим папаси Францис икки марта ўткир нафас етишмовчилигидан азият чекди ва яна вентиляторга ётқизилди.
Ватикан маълумотларига кўра, нафас олиш қийинчиликлари “эндобронхиал шиллиқ қаватнинг сезиларли даражада тўпланиши ва кейинчалик бронхоспазм” натижасида юзага келган. Ушбу ҳолат сабабли у бронкоскопия муолажасидан ўтган ва инвазив бўлмаган механик аппарат билан даволаш давом эттирилган. Барча жараён давомида Папа ҳушини йўқотмаган.
Маълумот учун, Рим папаси 14 февраль куни бронхит ташхиси билан касалхонага ётқизилган эди. Кейинчалик унинг аҳволи ёмонлашиб, қўш пневмония ташхиси қўйилган. 1 март куни Францисга бронхоспазм хуружидан сўнг нафас олиш аппарати уланди.
