Халқаро илм-фан соҳасидаги аёллар кунида Ўзбекистон олима аёллари иштирокида форум ўтказилди. Унда Саида Мирзиёева иштирок этди.
Қайд этилишича, Ўзбекистонда олимларнинг 48 фоизи аёллар.
“Уларнинг изланишлари, кашфиётлари ва фидойилиги илҳом бахш этади ва илм-фан уларга, улар эса илм-фанга кераклигини кўрсатади”, — дейди Президент ёрдамчиси Саида Мирзиёева.
Шунингдек у мамлакатимизда илм-фан соҳасида хотин-қизларни қўллаб-қувватлаш устувор аҳамиятга эга эканидан фахрланишини маълум қилган.
“Биз халқаро ҳамжамият билан илм-фан тинчлик ва фаровонликка хизмат қиладиган келажакни бунёд этиш йўлида биргаликда ҳаракат қиламиз”, — дея қўшимча қилади у.