Шавкат Мирзиёев ШҲТ давлатлари мудофаа вазирларига мурожаат йўллади
Унда бир қатор муҳим таклифлар берилган.
Шавкат Мирзиёев ШҲТ мудофаа вазирлари кенгашига мурожаат йўллади. Уни хавфсизлик кенгаши котиби Виктор Маҳмудов ўқиб эшиттирди.
Президент мудофаа вазирлари кенгаши формати долзарблигини таъкидлаган. Бундан ташқари, дунёдаги мураккаб вазиятда бу каби йиғилишларнинг аҳамияти ошиб бораётгани қайд этилган.
Шавкат Мирзиёев Афғонистондаги ҳолатга тўхталган.
“Афғонистондаги мураккаб вазиятдан келиб чиқиб ШҲТ ҳудудида терроризм ва экстремизм энг асосий таҳдидлардан бўлиб қолмоқда. Ташкилот чегаралари яқинидаги вазиятни самарали мониторинг қилиб бориш учун мудофаа вазирликлари ўзаро координацияни кучайтириш керак”, – дейилади мурожаатда.
Шунингдек, ҳарбий тайёргарлик ва таълим масалаларида ҳамкорликни мустаҳкамлаш зарурлиги айтилган.
