Сингапурда декабрь ойидан бошлаб коронавирусга қарши эмланмаган фуқароларнинг тиббий харажатлари тўлаб берилмайдиган бўлди. Бу ҳақда Interfax хабар берди.
“Ҳозирги кунда эмланмаган фуқаролар станционар даволанишга муҳтож инсонларнинг катта қисмини ташкил этади ва улар бизнинг соғлиқни сақлаш ресурсларимизга жуда катта юклама бўлиб қолмоқда”, – дейилади Сингапур соғлиқни сақлаш вазирлиги баёнотида.
Шу билан бирга баёнотда 8 декабрдан бошлаб Covid-19'га қарши эмланмаган фуқаролардан тиббий хизмат учун тўлов талаб қилиниши қайд этилган. Бу фақат 12 ёшгача бўлган болалар ва саломатлиги туфайли вакцина ололмайдиган беморлар учун татбиқ этилмайди.
Аввалроқ Сингапурда коронавирусга қарши эмланмаганлар учун янги чекловлар жорий этилгани хабар қилинганди.
Жаҳонгир Қўзиев